د ډاكټر عارف علوي د كامسېټس پوهنتون كانووكېشن ته وېنا

اسلام آباد 24 اپرېل (اے پي پي) اولس مشر ډاكټر عارف علوي وئيلي دې نړۍ كښې مقابلې لپاره جدیدې او ګټورې زده كړې ته د پاملرنې كولو په ضرورت زور راوړلو سره وئيلي دي د روزګار موقعو زياتولو لپاره به د ماركيټ تقاضو ته كتنه كول وي٬ پاكستان به ډېر زر د جديدې ټېكنالوجۍ په مېدان كښې خپل ځائ جوړ كړي٬ سېلګري په هېواد كښې په تندۍ سره وده مومي٬ پوهنتونونه او نورې ادارې دې په دې لړ كښې خپل كوټلې كردار ولوبوي۔ اولس مشر ډاكټر عارف علوي دا خبرې د شورو په ورځ د كامسېټس پوهنتون كانووكېشن ته خپلې وېنا كښې وكړې۔ده د تعليم او تربيې اهميت رامخې ته كولو سره ووئيل په ژوند كښې يوازې دا نه دي ګڼل پكار چې علم يوازې ادارې وركوي بلكې د علم په وركړه كښې د مور او پلار كردار هم بنيادي اهميت لري٬ ده ووئېل په علم انساني ژوند ښائسته وي او په انساني شخصيت كښې تعليم ژور اثر لري٬ انسان د خپل ښه او بد كردار په سوب پېژندلې كېږي٬ اولس مشړ عارف لوي ووئيل په دنيا كښې پرمختګ لپاره تعليم او سند ته اړتيا وي خو وروستو دغه تعليم هېر شي خو د والدين او استاذانو تربيه تر عمري اثر لري٬ ده ووئيل د زده كوٶنكو په تعليم او تربيه كښې د استاذانو او مور پلار كردار ډېر اهميت لري٬ استاذان د علم ذريعه دي ٬ زده كړه د كتابونو نه كېږي خو استاذان دا ښائي چې زده كړه څنګه ترلاسه كېدې شي٬ ده ووئېل استاذان د زده كوٶنكو دماغي نشوونما هم كوي٬ علم هېڅ حد نه لري زه هم هره ورځ د كتابونو لوستلو هڅه كوم او دا محسوسوم چې زما په دماغ كښې موجود علم ډېر كم دے۔ اولس مشر د مصنوعي ذهانت پحقله ووئيل يو شمېر نوموړو كمپنو په دې څانګه كښې زياته پوهه ترلاسه كړې ده او پاكستان هم دې ته اړتيا لري ۔ ده ووئيل پاکستان يو داسې هېواد دے چې د خپلو تجربو څخه ئې ډېر څه زده كړې او نړۍ ته ئې هم ښودلې۔ اولس مشر ووئيل د علم ترلاسه كولو نه پس روزګار وركول ډېر ضروري دے او كه تاسو د ماركيټ د ضرورياتو له مخئ تعليم او تربيه ترلاسه كړۍ نو ستاسو روزګار به باوري وي۔ ده ووئيل دلته زده كړه كوونكو ځينو زده كوٶنكو سره زما خبرې شوې هغوي وائې مونږ ته د ملازمت وړاندېز شوې كومه چې د خوشحالۍ خبره ده۔ ده ووئيل زده كوٶنكو ته په وخت روزګار ترلاسه كېدل د پرمختګ كوٶنكې او كاميابې ټولنې علامت وي۔ ده ووئيل په اروپاﺀ او پرمختللې هېوادونو كښې د خپل ضرورت له مخې د تعليم بشپړونكو كسانو لټون كېږي او هغوي ته روزګار وركولې شي۔ ده ووئيل زرعي څانګه زمونږ د ډي جي پي د 50 نه تر 60 فيصده برخه ده خو د زرعي څانګې د ګرېجوېټس شمېره ډېره كمه ده ۔ اولس مشر ووئيل د زرعي څانګې پرمختګ او د كار استعداد څخه حقيقي استفادې لپاره مونږ ته په دې څانګه كښې د پوهانو ضرورت دے۔ ده ووئيل زمونږ هېواد كښې د سېلګرۍ څانګه په تندۍ سره پرمختګ كوي او په دې لړ كښې زمونږ تعليمي ادارو له پكار دي چې ھغوي د سېلګرۍ په اړه د ضرورياتو له مخئ تعليم او تربيه وركري۔ اولس مشر ډاكټر عارف علوي ووئيل پاكستان د اسلام قلعه ده او د بشري حقونو پحقله غوره هېواد دے٬ چرته چې د نړۍ د تضاداتو په مقابل كښې د انسانيت په اعتبار سره د تقليد كولو يو شمېر مثالونه موجود دي۔ ده ووئيل پاکستان د بشري خواخوږۍ پحقله د نورو يو شمېر هېوادونو څخه وړاندې دےاو په دې لړ كښې اولس مشر د افغان كډوالو د كوربتوب مثال وركولو سره ووېيل د افغان جنګ پېل كښې 35 لكه افغان كډوال جې پاكستان ته راغلل نوهر چا د دوي هركلې وكړو٬ ده ووئېل نن هم 25 لكه افغان كډوال پاكستان كښې مېشته دي او د دوي په ضد هېچا غږ نه دې پورته كړې ځكه چې اسلام مونږ ته د انسانيت او خواخوږۍ درس راكوي ٬ ده ووئېل د دې په برعكس د پناه په لټون اروپا او پرمختللې هېوادونو ته مخه كوٶنكي خلق په سمندر كښې ډوب شوې او په بېلا بېلو هېوادونو كښې د هغوي په ضد ديوالونه جوړ كړې شوي دغسې چې بې وسه كسان د دوي هېواد ته داخل نشي۔ اولس مشر د انتها خوښۍ او ترهګرۍ د خاتمې ذكر كولو سره ووئيل مونږ د خپلې دين ٬ تعليم او تربيې ٬ تجربې او د وسله والو ځواكونو په معاونت د انتها خوښۍ خاتمه كړې او په ترهګرۍ مو قابو موندلې۔ ده ووئيل د دې برعكس زمونږ ګاٶنډې هېواد انتها خوښۍ ته وده وركوي۔ اولس مشر ووئيل مونږ وخت تېرېدو سره سره ډېر څه زده كړې خو زمونږ ګاٶنډي هېواد په دې لړ كښې هېڅ نه دي زده كړي۔ د دې نه وړاندې اولس مشر په تعليمي مېدان كښې ځانګړې كاميابۍ ترلاسه كوٶنكو زده كوٶنكو ته ډګرۍ او اعزازونه وركړل

مضمون کا ماخذ : نتیجہ ڈوپلا سینا

متعلقہ مضامین