سامونڊي معاملن واري وفاقي وزير پاران علامه اقبال اوپن يونيورسٽي ۾ يونس ايمري انسٽيٽيوٽ جو افتتاح

اسلام آباد-26 ڊسمبر (اي پي پي) سامونڊي معاملن واري وفاقي وزير قيصر احمد شيخ علامه اقبال اوپن يونيورسٽي ۾ يونس ايمري انسٽيٽيوٽ پاڪستان چيپٽر جو افتتاح ڪري ڇڏيو. سامونڊي معاملن واري وزارت پاران جاري بيان موجب ان موقعي تي ترڪيه جي سفير، وائيس چانسلر اي آءِ او يو، معزز استادن، سفارتڪارن ۽ ثقافتي ماهرن سميت ناليوارين شخصيتن شرڪت ڪئي. ان موقعي تي خطاب ڪندي وفاقي وزير قوم جي تعمير ۾ مُک اهميت تي روشني وڌي ۽ چين جو مثال پيش ڪيو، جنهن تعليم ذريعي 70 ڪروڙ ماڻهن کي غربت مان ڪڍيو. هن چيو ته اها ڳالهه سٺو سنوڻ آهي ته پاڪستان جي يونيورسٽين ۾ 50 سيڪڙو شاگردياڻيون آهن پر 26 ملين ٻار اڃا به اسڪولن کان ٻاهر آهن، هي هڪ سنگين چئلينج آهي جنهن کي مُنهن ڏيڻو آهي. اي آءِ يو جهڙن ادارا کي ان خال کي پاڪستان ۽ ترڪيه وچ ۾ ثقافتي ۽ تعليمي ناتن کي مضبوط ڪرڻ ۾ اهم سنگ ميل قرار ڏيندي چيو ته يونس ايمري انسٽيٽيوٽ کي ترڪيه زبان، ثقافت ۽ گڏيل ترڪيه- اسلامي ورثي کي هٿي ڏيڻ ۾ عالمي شهرت حاصل آهي. اي آءِ يو سان هي سهڪار اسان جي ٻنهي قومن جي تاريخي ناتن کي وڌيڪ گهرو ڪندو ۽ ثقافتي ۽ تعليمي مٽاسٽا جا نوان موقعا پيدا ڪندو. ترڪيه جي سفير انسٽيٽيوٽ جي قيام تي اي آءِ او يو جو ٿورو ادا ڪندي چيو ته هي ادارو پاڪستاني شاگردن ۽ اسڪالرز کي ترڪيه جي ثقافت ۽ زبان سان روشناس ڪرائڻ جو هڪ بهترين پليٽ فارم فراهم ڪندو. هن چيو ته اها ڀائيواري ترڪيه ۽ـ پاڪستان وچ ۾ پُراڻي دوستي ۽ گڏيل قدرن جو هڪ ٻيو مثال آهي. ان موقعي تي علامه اقبال اوپن يونيورسٽي جي وائيس چانسلر يونيورسٽي تعليم ۽ عالمي ڀائيوارن کي هٿي ڏيڻ لاءِ يونيورسٽيءَ جي عزم کي اجاگر ڪيو. هن چيو ته يونس ايمري جيڪا ترڪيه جي حڪومت جي ثقافت واري وزارت طور ڪم ڪري ٿي، دنيا جي 80 کان وڌيڪ ملڪن ۾ پنهنجون شاخون رکي ٿو. اي آءِ او يو ۾ ويجهڙ ۾ ئي قائم ٿيل اها شاخ ثقافتي لساني مٽاسٽا جو هڪ مرڪز بڻجڻ جي اميد آهي ۽ پاڪستان ۽ ترڪيه وچ ۾ اتحاد ۽ گڏيل تفهيم جي مشن کي اڳيان وڌائينداسين.

مضمون کا ماخذ : پاور بال کے نتائج

متعلقہ مضامین