اسلام آباد۔15دسمبر (اے پی پی):وزیر اعظم دے مشیر سمندر پار پاکستانیز وترقی انسانی وسائل محمد ایوب آفریدی آکھیے جو سمندر پار پاکستانیاں کوں سہولتاں ݙہوݨ موجودہ حکومت دی اولین ترجیح اے۔وزیر اعظم پاکستان دے ویژن مطابق موجودہ حکومت سمندر پارپاکستانیاں کوں خصوصی اہمیت ݙیندی اے اتے سمندر پار پاکستانیاں اتے انہاں دے ??ہل خانہ دی فلاح وبہبود کیتے ہر طرح توں کوشاں اے۔بدھ دے ݙینھ اوپی ایف گرلز کالج ایف الیون کیمپس دے ??فتتاح دے موقع تے خطاب کریندے ہوئیں مشیر سمندر پارپاکستانیز ایوب آفریدی آکھیے جو سمندر پار پاکستانی موجودہ حکومت دی اولین ترجیح ہن تے موجودہ حکومت اچ سارے ادارے سمندر پارپاکستانیاں کوں ودھ توں ودھ سہولتاں ݙیوݨ کیتے مصروف ہن ، انہاں ٻاہرلے ملک رہݨ آلے پاکستانیاں کوں پاکستان دا سفیر تے ملک دا قیمتی اثاثہ قرار ݙیندے ہوئیں آکھیے جو سمندر پارپاکستانیاں اتے انہاں دے ??ہل خانہ کوں ہر شعبہ زندگی اچ سہوتلاں ݙیوݨ اتے انہاں دی شکایات دے ??زالے کیتے اوپی ایف جدوجہد کریندا پئے ۔انہاں ݙسایا جو اوپی ایف ٻاہرلے ملک رہݨ آضے پاکستانیاں دے ٻالاں دی تعلیمی ضرورتاں کوں پو??ا کرݨ کیتے پورے ملک اچ 26تعلیمی ادارے قا??م کیتے ویسن جتھاں ٻالاں کوں نرسری توں گھن تے گریجویشن تئیں معیاری تعلیمی سہولتاں ݙتیاں ویندن ٻالاں کوں فیس دی مد اچ 50 فیصد رعایت ݙتی ویندی اے ۔
