اسلام آباد۔19جولائی(اے پی پی) وزیر خارجہ مخدوم شاہ محمود قریشی آکھیے جو افغان حکومت پاکستان توں آپݨا سفیر اتے سفارتکار سݙݨ دے فیصلے تے ول دید بھنواوے، دوحہ اچ ڄݙاں افغان امن عمل ک??تے مذاکرات جاری ہین ساکوں آپسی تعلقات اچ احیتاط ورتݨی چاہیدی اے، افغان سفی?? دی ٻالڑی ??ے معاملے تے سارے حقائق سامݨے رکھیسوں۔ اے ڳالھ انہاں اسلام آباد اچ مشیر قومی سلامتی اتے آئی جی پنجاب دے کٹھے پریس کانفرنس اچ آکھی۔ انہاں آکھیے جو افغان سفی?? دی ٻالڑی دے واقعے دا وزیراعظم وی نوٹس ڳھدے، اساں ساݨے ڳھن آوݨ چاہندوں، ایں معاملے تے کوئی وی شئے نہ لکائی ویسی۔ میں افغان سفیر کوں ولا سݙݨ ??ے معاملے تے افغان ہم منصب کوں یقین ݙیوائے جو اساں افغانستان نال تعلقات برقرار رکھݨ چاہندے ہیں، خاص کر انہاں حالات اچ ڄݙاں امن عمل دی ڳالھ مہار ٹردی پئی اے، اڄ وی زلمے خلیل زاد آئے ہن اتے وزیراعظم نا?? ملین جیندے اچ اساں پاکستان دا مؤقف پیش کیتے، معاملے اچ انصاف ورتیا ویسی جیندے تے افغان وزیر خارجہ محمد حنیف اتمر تحقیقات ٹورݨ کتیے تعاون دا یقین ݙیوائے، معاملے تے سیکرٹری خارجہ وی افغان سفیر نا?? ملین، افغان سفارتخانے دی سیکیورٹی ٻئی ودھا ݙتی اے، وزیراعظم آپ اے معاملہ ݙہدے پین۔ ایں موقع تے آئی جی اسلام آباد آکھیا جو واقعے دی تحقیقات ک??تے 5 انکوائری کمیٹیاں ٻݨائن، ہݨ تئیں 220 توں ودھ لوکاں توں پچھ ڳچھ کیتی ڳئی اے، 16 جولائی دا اے واقعہ مکمل بلائنڈ کیس ہا بھل ساݙے اداریاں 300 کیمریاں دا 7 توں ودھ ڳھنٹے ویڈیوز دا جائزہ ڳھدے اتے پتا لائے جو افغان سفی?? دی ٻالڑی کتھاں کتھاں ڳئی ہئی۔
