ذہنی صحت دے امراض روکݨ کیتے فریقین رل تے کوششاں کرن، صدر مملکت ڈاکٹر عارف علوی

APP22-280223 ISLAMABAD: February 28 –President Dr Arif Alvi chairs a meeting on mental health, at Aiwan-e-Sadr. APP/MAF/TZD/ABB

اسلام آباد۔28 فروری(اے پی پی)صدر مملکت ڈاکٹر عارف علوی ذہنی صحت دے امراض روکݨ اتے علاج کیتے سارے فریقاں کوں رل تے کوششاں کرݨ تے زور ݙیندے آکھیے جو سارے اسٹیک ہولڈرز بشمول وفاقی و صوبائی حکومتاں، کمیونٹی ??تے میڈیکل پروفیشنلز روابط وداھون، جو ملک دی 24 فیصد آبادی ذہنی صحت دے مسلیاں دا شکار اے، اتنی وݙی آبادی دی لوڑ پوری کرݨ کیتے ملک اچ صرف 5 توں 6 سو ذہنی صحت دے ماہرین دا ہووݨ چنتے آلی ڳالھ اے، ایں سانڳے مینٹل ہیلتھ پروفیشنلز دی تعداد ودھاوݨ سودھا صحت عامہ دے ماہرین دی تربیت اتے صلاحیتاں ودھاوݨ تے کم کرݨا ہوسی۔اے ڳالھ انہاں ویڈیو لنک تے ذہنی صحت بارے اجلاس دی صدارت کریندے آکھی۔ پ??کستانی امریکن سائیکاٹرک ایسوسی ایشن آف نارتھ امریکہ (پی اے پی اے این اے ) دے صدر ڈاکٹر محمد ذیشان، نیشنل کمیشن آف ہیومن رائٹس، ورلڈ ہیلتھ آرگنائزیشن، پاکستان سائیکولوجیکل ایسوسی ایشن، پاکستان سائیکاٹرک سوسائٹی، تسکین ہیلتھ انیشی ایٹو اتے وزارت نیشنل ہیلتھ سروسز، ریگولیشنز اینڈ کوآرڈینیشن دے نمائنداں وی اجلاس اچ شرکت کیتی۔