اسلام آباد – 03 – جنوري (اي پي پي) خصوصي سيڙپڪاري سهولت ڪائونسل (ايس آئي ايف سي) سعودي عرب، قطر، گڏيل عرب امارات ۽ ڪويت سان مفاهمتي ياداشتن کي تيز رفتاري سان معاشي حقيقت ۾ تبديل ڪرڻ جي هدايت ڪئي آهي، ڪميٽي ڊوميسٽڪ ڊسپيوٽ ريزوليوشن جي طريقيڪار کي مضبوط بڻائڻ سميت سيڙپڪارن کي وڌيڪ سهولت ف??اه?? ڪرڻ جي لاءِ مختلف پاليسي سازي جي منظوري ڏني، ڪميٽي سيڙپڪارن کي خاص طور تي ملڪ جي ڏورانهن علائقن ۾ سهولت ف??اه?? ڪرڻ جي لاءِ انفراسٽرڪچر جي ترقي کي تيز ڪرڻ تي پڻ اتفاق ڪيو آهي، ڪميٽي اسمگلرن ۽ ذخيره اندوزن جي خلاف ڪارروائي جاري رکڻ جي پختي عزم جو پڻ اظهار ڪيو آهي. وزيراعظم آفيس جي ميڊيا ونگ پاران جاري بيان موجب خصوصي سيڙپڪاري سهولت ڪائونسل جي ايپڪس ڪميٽي جو اٺون اجلاس ٿيو. نگران وزيراعظم انوارالحق ڪاڪڙ جي صدارت ۾ اجلاس ۾ چيف آف آرمي اسٽاف، وفاقي ڪابينا، صوبائي وڏن وزيرن ۽ اعليٰ سطح جي سرڪاري عملدارن شرڪت ڪئي. وفاقي وزارتن اهم شعبن ۾ منصوبن تي اڳڀرائي ۽ متوقع سيڙپڪاري جي وقت سر تڪميل جي حوالي سان اجلاس کي آگاهه ڪيو. ڪميٽي ايس آئي ايف سي تحت مختلف شعبن ۾ حاصل ٿيندڙ مجموعي اڳڀرائي تي اطمينان جو اظهار ڪيو. ڪميٽي سعودي عرب ۽ قطر سان ٻطرفي سيڙپڪاري جي معاهدي کي حتمي شڪل ڏيڻ سان گڏوگڏ گڏيل عرب امارات ۽ ڪويت سان مفاهمت جي ياداشتن ۽ فريم ورڪ معاهدن تي صحيحن سميت دوست ملڪن سان معاشي رابطن ۾ اضافي کي سا??اه??و. فورم انهن مفاهمتي ياداشتن کي تيز رفتاري سان معاشي حقيقت ۾ تبديل ڪرڻ جي هدايت ڪئي. ڪميٽي نجڪاري تي اڳڀرائي جو پڻ جائزو ورتو ۽ مختلف اهم هدفن جي وقت سر تڪميل ۾ مختلف ڌرين جي گڏيل تعاون کي سا??اه??و ۽ رفتار کي برقرار رکڻ جي هدايت ڪئي. ڪميٽي سيڙپڪاري جي ماحول کي بهتر بڻائڻ جي لاءِ کنيل مختلف قدمن تي اڳڀرائي جو جائزو ورتو ۽ ڊوميسٽڪ ڊسپيوٽ ريزوليوشن جي طريقيڪار کي مضبوط بڻائڻ سميت سيڙپڪارن کي وڌيڪ سهولت ف??اه?? ڪرڻ جي لاءِ مختلف پاليسي سازي جي منظوري ڏني. ڪميٽي سيڙپڪارن کي خاص طور تي ملڪ جي ڏورانهن علائقن ۾ سهولت ف??اه?? ڪرڻ جي لاءِ انفراسٽرڪچر جي ترقي کي تيز ڪرڻ تي پڻ اتفاق راءِ ڪيو. ڪميٽي معيشت جي اهم شعبن ۾ اڀرندڙ ضرورتن کي پورو ڪرڻ جي لاءِ انساني وسيلن جي ترقي جي لاءِ جاري شموليتي موقف کي سا??اه??و. ڪميٽي اسمگلرن ۽ ذخيره اندوزن جي خلاف ڪارروائي جاري رکڻ جي پختي عزم جو اظهار ڪي??. آ??مي چيف ملڪ جي معاشي بحالي جي لا??ِ حڪومتي قدمن جي حمايت جي لاءِ پاڪ فوج جي اڻٿڪ عزم جي خاطري ڪرائي. آخر ۾ نگران وزيراعظم سمورين ڌرين کي هدايت ڪئي ته اهي ايس آئي ايف سي جي مختلف قدمن کي ڀرپور طريقي سان اڳتي وڌائين ته جيئن مقرر مدي جي اندر انهن جي تڪميل کي يقيني بڻائي سگهجي.
