ٽي وي ۽ ريڊيو چئنلز عام چونڊن 2024ع بابت معاملن کي ڪوريج دوران اليڪشن ڪميشن جي ضابطه اخلاق ۽ پيمرا قانونن تي سختي سان عملدرآمد کي يقيني بڻائين: پيمرا جي هدايت

اسلام آباد-18 جنوري (اي پي پي)پاڪستان اليڪٽرانڪ ميڊيا ريگوليٽري اٿارٽي (پيمرا) سمورن ٽي وي ۽ ريڊيو چئنلن کي هدايت ڪئي آهي ته هو عام چونڊن 2024ع بابت معاملن کي ڪوريج دوران اليڪشن ڪميشن آف پاڪستان مان جاري ٿيل ضابطه اخلاق ۽ پيمرا قانونن تي سختي سان عملدرآمد کي يقيني بڻائين. ضابطه اخلاق تي عملدرآمد نه ڪرڻ جي صورت ۾ لاڳاپيل قانونن تحت قانوني ڪارروائي ڪئي ويندي. پيمرا طرفان سمورن لائسنس يافته سيٽلائيٽ ٽي وي چئنلز، ايف ايم ريڊيو اسٽيشنز کي جاري خط موجب سمورا ٽي وي چئنلز ۽ ريڊيو اسٽيشنز قومي خبرن لاءِ اليڪشن ڪميشن آف پاڪستان طرفان جاري ضابطه اخلاق جا پابند آهن. ضابطه اخلاق موجب چونڊ مهم دوران پرنٽ، اليڪٽرانڪ ۽ ڊجيٽل ميڊيا تي نشر ٿيندڙ مواد، نظريه پاڪستان، خودمختياري، وقار يا سلامتي، امن امان يا پاڪستان جي عدليه جي سالميت ۽ آزادي ۽ ٻين قومي ادارن خلاف ڪنهن به راءِ جي عڪاسي نه ڪندو. اهڙا الزام ۽ بيان جيڪي قومي يڪجهتي کي نقصان پهچائي سگهن ٿا يا چونڊ شيڊول جاري ٿيڻ کان وٺي اميدوار جي نوٽيفڪيشن تائين امن امان جي صورتحال پيدا ڪري سگهن ٿا، انهن کي پرنٽ ۽ اليڪٽرانڪ ميڊيا ۽ ڪنهن به ميڊيا پرسن، اخبار ۽ چئنل کي آپريٽ ڪندڙ سرڪاري اڪائونٽ ڊجيٽل ميڊيا ۽ ٻين سوشل ميڊيا تي اثر انداز ٿيندڙ اڪائونٽ تان شايع يا نشر ڪرڻ جي سختي سان پاسو ڪيو ويندو. پرنٽ ۽ اليڪٽرانڪ ميڊيا تي موجود مواد ڪنهن به ميڊيا پرسن، اخبار، ڊجيٽل ميڊيا تي آفيشل اڪائونٽس هلائيندڙ چينل ۽ سوشل ميڊيا تي اثر انداز ٿيندڙ ڪنهن به رخ کي شامل ڪيو ويندو جهڙوڪ جنس، مذهب، فرقو، ذات، برداري وغيره جي بنياد تي اميدوارن يا سياسي پارٽين جي ذاتي حملي طور تي سمجهي سگهجي ٿو، خلاف ورزي ڪندڙن خلاف قانوني ڪارروائي ڪئي ويندي، جيڪڏهن ڪو اميدوار ڪنهن ٻي اميدوار تي الزام لڳائي ٿو ته ميڊيا کي گهرجي ته هو ٻنهي ڌرين کي هڪجهڙو موقعو فراهم ڪندي ٻنهي ڌرين سان راءِ ۽ تصديق طلب ڪري.

مضمون کا ماخذ : jogos de loteria Nordeste

متعلقہ مضامین