اسلام آباد۔25اگست(اے پی پی)وزیراعظم محمد شہباز شریف ملک اچ کھیݙاں دےو دھارے کیتے محکمانہ کھیݙاں توں پابندی چاوݨ دا اعلان کریندے آکھیے جو دولت مشترکہ اتے اسلامی یکجہتی کھیݙاں اچ پاکستانی کھلاڑیاں دی مثالی کارکردگی ڄڳ اچ پاکستان دا ماݨ ودھائے، ??وری قوم کوں اپݨے کھلاڑیاں تے ماݨ اے، اساں سارے نینگر کھیݙاڑیاں دی حوصلہ افزائی کریسوں، اڄوکے سیلاب نال نبرݨ ہک وفا چیلنج اے، سیلاب متاثرین کوں ولا آباد کریسوں۔ اے ڳالھ انہاں وزیراعظم ہائوس اچ دولت مشترکہ اتے اسلامی یکجہتی کھیݙاں اچ ملک دا ناں اچا کرݨ آلے کھیݙاڑیاں دے اعزاز اچ تقریب نال خطاب کریندے آکھی۔ وزیراعظم آکھی?? جو امید اے جو پاکستان کھیݙ دے میدان اچ اپݨیاں کامیابیاں جاری رکھسی اتے نویں کھیݙاڑیاں دی حوصلہ افزائی تھیسی، نیگراں کوں ودھ موقع ݙیسوں جو باصلاحیت کھیݙاڑی اڳو تے آون، جیکر ہمت ہوسی تاں ترقی آپ تہاݙے پچھو آسی۔ انہاں آکھی?? جو سیلاب دی سورتھال چنتے آلی اے، ??تاثرین دی پوری ٻھال کیتی ویسی، جتلا وی تھی سقیا اقدامات کریسوں۔ چھیکڑ تے انہاں دولت مشترکہ اتے اسلامی یکجہتی کھیݙاں اچ میڈلز ج??تݨ آلے کھلاڑیاں الطاف الرحمن، شاہ حس??ن شاہ، عنایت ﷲ، علی اسد، زمان انور، شریف طاہر، محمد انعام، نوح دستگیر بٹ اتے ارشد ندیم کوں انعام وی ونݙین۔
