اقوام متحدہ۔21جولائی(اے پی پی) اسلامی تعاون تنظیم دے پاکستان سودھے ٻئے رکن ملکاں دے وفد اقوام متحدہ دے سیکرٹری جنرل انتونیو گوتریش نال ملاقات کیتی تے انہاں کوں سویڈن اچ ہݨے ہی قرآن پاک دی بے حرمتی دے واقعات تے مسلم دنیا اچ پاتی ونڄݨ آلی کاوڑ دا ݙسایا تے اسلامو فوبیا دے خلاف پلان آف ایکشن دی منظوری ݙیوݨ دا مطالبہ کیتا ۔ نیویارک اچ اقوام متحدہ اچ پاکستانی مشن دی طرفوں جاری بیان موجب ملاقات اچ اقوام متحدہ اچ پاکستان دے مستقل مندوب منیر اکرم مصر اتے بنگلہ دیش دے سفرا اتے سعودی عرب اتے م??ری??انیہ دے ناظم الامور دے نال اقوام متحدہ دے سربراہ تے زو?? ݙتا او ایجھے واقعات کوں روکݨ کیتے اقدامات کرن ۔ پاکستانی مندوب سیکرٹری جنرل کوں ݙسایا جو پاکستان دی پارلیمنٹ ہݨے ہی سویڈن اچ قرآن پاک دی بے حرمتی دے قابل مذمت فعل دی مذمت اچ ھک قرارداد منظور کیتی جیں دی ھک کاپی انہاں قوام متحدہ دے سیکرٹری جنرل دے حوالے کیتی۔انہاں ملکاں تے زو?? ݙتے جو او ہݨے ہی ایں مسئلے تے انسانی حقوق کونسل دی طرفوں منظور کیتی ڳئی قرارداد دی روشنی اچ قرآن پاک دی بے حرمتی جیہی اشتعال انگیز کارروائیاں کوں غیر قانونی قرار ݙیوݨ جیڑھے تشدد دا باعث بݨدن ??اقوام متحدہ دے سیکرٹری جنرل قرآن پاک دی بے حرمتی دے واقعات کوں قابل مذمت اتے گھنائونا قرار ݙتا انہاں ایں ڳالھ تے اتفاق کیتے جو انسانی حقوق کونسل دی طرفوں منظوری کیتی ڳئی قرارداد تے سارے رکن ملکاں کوں عمل درآمد کرݨا چاہیدے ۔سیکرٹری جنرل دے ترجمان سٹیفن دوجارک آکھیے سیکرٹری جنرل مسلم کمیونٹی نال یکجہتی کریندے ہوئیں عدم رواداری، تشدد تے اسلامو فوبیا دی کارروائیاں دی مذمت کیتی جیڑھی جو کشیدگی ،امتیازی سلوک اتے بنیاد پر??تی کوں ودھارا ݙیندن ??
